Geldi bir dilber-i rânâ pek ırak yollardan
Târihin söyleyelim şânına âyâ ne olur

Ne ciğer pâresisin sen ki Moğolçin nazarın
Ne ciğer pâresi kor canda ne dermâne olur

Hatt-ı t’lkle mi yazdın ecelin fermânın
Gül benizler sararıp solmada g/külhâne olur

Gölgesi salsan farazâ hâne-i ma’mûre deyip
Dil-i âşık gibi ol dem heme vîrâne olur

Sana nisbetle sırât cisr-i felâhdır ancak
Nâr-ı dûzahsa senin şem’ine pervâne olur

Ko vidâ eyleyelim gencü civân yârâna
19 yaş bile hattâ sana pîrâne olur

Alkohol sirke kolonya(ğ) yıkanır dört bir yan
Çıkmadan önce şarâb şişede mestâne olur

Ne mesâcîd ne sinâgog ne kilîsâ koydun
Girdiğin yer güzelim öylece meyhâne olur

Mülk-i emrâz şehisin etme tenezzül halka
Şâha mahbûb olacak niteki şâhâne olur

Oldu enfekte bütün âlem-i şi’r medhinle
Değse divâna kalem değmede divane olur

“Denk” gelmiş yine târîhine şâbâş Efsûs
“Koronâ nâmı da bir gün gelir efsâne olur”