Nazîre-i Şeh Murâd-râst

Bir belâ Ye’cûc u Me’cûc misli ismi “Korona”
Sedd-i Çîni aşdı geldi cümle ‘âlem koruna

Bir tabîb çıkdı hatâdan geldi meydâna didi
El yuyup hem maskelerden kat-be-kat sed kur ona

Eskiden misk-i Tatârı bulma çok müşkil idi
Şimdi anun kurı irişmez kolonya kuruna

Söyleyüm tarz-ı kadîm üzre gazel dostâna lîk
Halka halka olmayan nev-tarz meclis kurun a

Sâkinün bir fıs kolonya sunduğı mestânı gör
Fazladan bir fıs içün yapmakdalar bin kur ona

Didüm “iy yâr vir lebünden hastene lutfen şifâ”
Hışm-ile döndi didi “git maskeni tak, korun a”

“Bâri bir kez şol bilünden koçayın cânâ” didüm
Gösterüp bâzû-yı sîmînini didi “korun a”

‘Âşık-ı hicrân-zede duydukda yârün sözlerin
Sînesin çâk eyledi çün düşdi yüz bin kor ona

Şeh Murâd ejder-ser ü âteş-feşân kilkiyle ger
Bir gazel söylerse vîrûs incinür pek, kor ona

fâ’ilâtün / fâ’ilâtün / fâ’ilâtün / fâ’ilün