Nazîre-i Gümânî-râst

Söyleyem bir bed hikâyet dinleyenler koruna
Gûş-ı cânı tutmayan bilmez nedür ol korona

Evvelâ neşv ü nemâ buldı Çin ü Mâçin’de kim
Ekl idenler haşlayup bir kıyye huffâş kor ona

Gördük ol gîtî-nümâdan âlemin ahvâlini
Hangi şehre dahlolursa say ki düşmiş kor ona

Bü’l-aceb evrâs kim yollar tepüp Türkiyye’ye
Âhiren gelmiş, süpermarket hemân zam kor una

Beş kuruşluk bir dezenfektan olursa yüz kuruş
Hep dolar alsan maâşın yine yetmez kur ona

Bir kaçan sâlim olur dirler bi’ de pervâz uran
Pek abes lafdur uçakdan kim inerse korun a

Eyliyor târih tekerrür şimdi tersten mâlesef
Çin belâsın def içün pek hızlı bir sed kur ona

Ellerün hep tertemiz tut, kim görüp Mûsâ anı
Yed-i beyzâsın hacelden ceplerine kor o na

Şol Gümânî haste düşse gam degül başında çün
Bî-kıyâs hûrî-sıfât elbet yapar çok kur ona

fâ’ilâtün / fâ’ilâtün / fâ’ilâtün / fâ’ilün